الكثير من المصريين يعتقد أن عمر ابن الخطاب موجود بيننا وأنه سيخرج يوما ما من بين المصريين .....يملأ الدنيا عدلا بعد جور ......وسلاما بعد حرب.......وسعاده بعد غم .......ورخاء بعد ضنك........ وشبعا بعد جوع
فهل نحن كشعب عمر .... حتى يخرج من بيننا عمر ؟؟؟؟؟؟؟

ليس بعد الكفر ذنب...........وليس بعد القتل افك

يا بلادي يا بلادي

لك حبي وفؤادي

يا بلادي ليه ولادك

اصبحوا زي الاعادي

دمهم في شوارعي عادي

دمهم في كنيسه وفي جامع

وعادي

امنهم ضاع بردو عادي

ربنا يرحم بلادي

ربنا يحفظ ولادي

يا بلادي يا بلادي

بيشمتوا فيكي الاعادي

يا بلادي يا بلادي

لك حبي وفؤادي

يا بلادي يا بلادي

كم لنيلك من اعادي

كم لنيلك من ايادي

بس يا خساره يا مصر 

ايد ولادك فيها دم

والدم مش دم الاعادي

لاء ده دم ولاد بلادي

شوهو صورتك وخانوا

الي خلوا ولاد بلادي

يقتلوا في ولاد بلادي

ربنا يرحم بلادي

ربنا يحفظ ولادي

وشوش

وشوش بتتبدل يوماتي عليك

وشوش تحب تشوفك

ووشوش بتلعن شوفك

ووشوش عايزه تشوفك

 عشان تاكلك

ووشوش تمني نفسها بشوفك

ووشوش بتضحكلك

ووشوش تضحك عليك

ووشوش تخاف منك

ووشوش بتئمنلك

وشوش الناس دي حيره

ولغز بيلاحقك

تكلموا

تكلموا

استنكروا

اشجبوا

او فاصمتوا

قولوا بان كلامكم .........كان كذب

قولوا بان ندائكم وصراخكم

انا ملايين سنذهب

كي نحرر قدسنا

كانت لكي...... نستعطفك

كانت لكي..... نستدرجك

نستغفلك....نستعملك.....نستهبلك

كي تملاء الصندوق

تأييدا لنصر جماعتك

لا والمصيبه انها تبدو لنصر..... شريعتك

حتى نفيق فنكتشف

حجم الخديعه و المصيبه

انكم

لم تنصروا شرعا ولا وطنا

ولا دينا .....
لم تنصروا شعبا 
يحاول جاهدا ان ينصرك
*************

زعموا بأن بحكمهم

ستعود امجاد العروبه

سيعود اقصانا الحزين

سيعود حق المسلمين

سيعود حق الطفل مذبوحا امام العالمين

ماتت ضمائركم

ومات الحلم ....

يا اخوان .....يا مسلمين

انا مش خايف منك
ولا من سجنك ....ولا معتقلك
انا خايف علشانك منك
انا خايف من الي في يوم انتخبك
زي ما جابك يوم علشان
 شرعي وشرعك
علشان حقي وحقك
ما زمان كان حقي هو كمان حقك
قبل ما تستقوى بجماعتك
انا خايف زي ما جابك يوم
يشيلك زي ما حطك
انا خايف من الي انتخبك
علشان بتمثل تيار اسلامي
يلاقي الناس بتسب وتلعن في الاسلام ......منك
ساعتها
مش حيسيبك
زي ما جابك
حيشيلك
 وحيعتقلك
انا على فكره مش كارهك
ولا خايف منك ولا حبك
انا كل الي قاهرني
شعبك

اصعب موقف سياسي يمكن ان تقفه هو

 الموقف الوسطي

فالهجوم سيأتيك من يمينك ومن يسارك .

ولكن تاكد ان من فوقك سوف يكون بجانبك ولن يخذلك

من مواطن مصري الى النظام المصري

 

• مخنوق يابلد
  منك..... وليكي .....وعليكي
  منك لانك 
  خلتيني ابكي بدل الدموع دم
  ابكي ومحروق على شبابك
  ابكي وحزين من حكامك
  مش بتسيبيني افرح ليه
  ابكي على دم على القضبان
  ابكي على اشلاء تحت المباني المنهاره
  ابكي على شبابك العزل
  بيتجلدوا ويتسجنوا ويتسحلوا
  مستحملانا ازاي
  مستحمله طمع الي طامع فيكي
  ومش باكي عليكي
  مستحملانا ليه ......مستغربانا ليه
  مش انتي الي اويانا
   وجارحانا وحرمانا
  مش انتي الي علمتينا
   اننا نطمع
  مش انتي الي خليتي
   حراميكي هو الي يحميكي
  ولما قلنا لا
   وطلبنا ثلاث طلبات
  طلبنا العيش ناكله ولو حاف
  وطلبنا حريه من العبوديه والذل والاذلال
  وطلبنا عدل وعداله اجتماعيه
  طلبتنا ياترى صعبه
  لما طلبنا
  اتحرقنا وواتقتل فيكي اجمل واشجع شبابك
  كنت فاكر يا بلد ان حالك حينصلح
  كنت فاكر ان الضمير موجود
  والامل موجود
  لكن لقيت الطمع بيسود
  والفساد موجود
  والدمار بيعود
  والفقر لسه في البيوت موجود
  تفتكر امتى يا نظام حتلبي طلبتنا
  تفتكر ممكن اشوف في يوم مصر
  اجمل بلاد الدنيا
  لو شايفها يا نظام وانا مش شايفها
  طمني
  متسكتش وتسيبنا
  علشان انا صبري
  وصبر مصر خلاص نفد
  
  مواطن مصري