كتر خير ابوكم

من حوالي

 خماستاشر سنه

جاتلي فرصه

 اهج واتغرب

علشان اعمل فلوس

واعيش مبسوط

من غير ديون

وابني عماير

واروح اصيف

في مارينا

مع الكبار

وعيالي تتربى نظيفه

اكلهم يبقى نظيف

شربهم يبقى نظيف

لبسهم يبقى نظيف

مانا كنت فاكر

 اننا في زمن النظيف

ده رئيس وزارتنا

حتى اسمه نظيف

قلت اسافر

يمكن ارجع

 ابقى وسط الناس كبير

حكم الكبير
 في بلدنا كبير

اما الصغير والفقير

يداس عليه
 تطلع عنيه

ليه

ما هو اصله فقير

طيب لما احب اتجوز 
منين

من تلتميت جنيه

اجيب مهري
 منين

اجيب شقه
 منين

اجيب حتى رغيف العيش
 منين

واذا افترضنا جدلا

اني ممكن استلف

 علشان اعيش

زي باقي الخلق

طب حسدد
 منين

اسرق =- ارتشي

طب وماله

ما كبار بدلنا بيرتشوا
 وبيسرقوا

وبيقتلوا وبينهبوا

علشان تزيد 
ملايين ولادهم

وولاد ولادهم

يعني جت على الغلبان

الي عايز يرتشي

 علشان يعيش

ولما يسرق يتسجن

علشان مفيش

اسمه حرامي

اصله سارق مرتشي

 علشان يعيش

اما اصحابك

 صحاب عز 
وسروروالشريف

وصحاب حبيب 
وصحاب نظيف 

يسرقواو يكوشوا 
مش مهم

اموت انا 
علشان يعيشوا

اعيش انا وسط الزباله

وهما عايشين
 في القصور

اعيش انا 
مش لاقي اكل

مش مهم

المهم

 انهم ياكلوا ونتاكل

كفايه انهم سايبني اعيش
انا ليل نهار بدعي 
واقول
كتر خيركم 

وخير ابوكم 
وابو ابوكم

انكم

 سيبتوني اعيش